員林鐵枝仔路

   

   員林鐵枝仔路   (閩南語)    
                                               文/邱美都

員林鐵枝仔路

透早到暗暝
迎日頭揹月娘
員林火車頭普普通
講百外冬

輕便車仔三路線

往東通百果山跤

二點銀緊坐起來

鏂！鏂！桂竹管凸咧行

荔枝龍眼佮旺來

楊桃菝仔佮椪柑

一籠一籠，一車一車

輕便鐵枝仔路

果子農笑微微

往西五分仔車吱吱叫

五角銀緊坐起來

嘟！嘟！五分仔車頭噴烏煙，

那行那飛，溪湖鹿港四界走

甘蔗人客攏總來

予員林經濟起飛

員林椪柑名聲透京城

員林鹹酸甜呵咾甲會觸舌

烏頭仔車烏烏吼

目聶一下上北到臺中

落南二水好風水

這馬鐵路飛上天

員林火車頭派頭派頭

有聽新鐵笑

無看舊鐵吼