靜修國小饒平客話親子共學班
教學日誌3
文/臺灣客語薪傳師邱美都
2014.3.20
饒平客話時間到咧，大家陸續入來客語教室，用客語相借問招、簽名報到、領資料，都係恁熟練。這擺上課主題係有關「住」个21個詞彙、22句生活會話，還有生趣个〈遊戲歌〉。
大家跈邱 先生緊唸緊好，實在無簡單。進行「遊戲歌」个時節，大人細子共下拍手比動作，過加朗讀，一擺比一擺順序，笑聲瀉到滿教室，還樂暢哦！在歡樂聲當中學客，效果恁好哦！
下課咧，邱 先生指導學員自家練習打電腦，自家到「哈客網路學院」，尋到初級認證基本詞彙第四單元飲食、第五單元服飾美容、第六單元居處，大部分都達到任務咧。
這擺係結實个課程，一個詞、一句話實實在親子共下學客，像起屋樣仔，磚仔一塊一塊疊上去，係講摎饒平客話个基礎地基打得拶腹實落，做得扶助大家越來越合意講客，無恁該員林拂忒百年个饒平客話做得返生，係薪傳師邱 先生最歡喜个行動任務咧！勞力！
沒有留言:
張貼留言