員林百果山湖水坑延陵堂吳厝（楊銘欽攝2007）
內山兄哥 文/邱美都
內山兄哥真風騷
百果林 揣食臊
細漢時
井仔跤
藏水泌
飛天藏地足歡喜
西北雨
臿臿滴
三不五時相創治
李仔 梅仔 佮桃仔
柿仔 橄仔 佮蘋婆
荔枝 龍眼 佮楊桃
果子滿坑崁
四季挽透透
日頭招月娘來探
跤底石 燒過頭
大粒汗直直流
遇到
臭青母睏中晝
果子簍揹咧走
鴟鴞飛過厝尾兜
日頭落山心會操
田嬰仔
吱吱吼
笑阮作山拼過頭
青瞑牛
大氣口
怨嘆少年做甲老
〈百果山的春天，2007〉
沒有留言:
張貼留言